يعني ايه Brief؟
الـ”Brief” هو مستند بيحدد متطلبات مشروع محتوى معين. و يعتبر البريف ضروري جداً للعميل والكاتب لأن العميل بيستخدمه عشان يبقى متواصل بشكل واضح مع الكاتب عن اللي هو عايز يوصله من المشروع، والكاتب بيستفاد منه عشان يفهم متطلبات المشروع بشكل كويس ويقدر يبني محتوى يلبي احتياجات العميل.
هوضحلك اقصد ايه ببساطة :
لو عندك مناسبة وعايز تفصل هدوم مخصوص عشان تحضرها.
ينفع تروح للخياط وتقوله: فصلي هدوم. وبس كده!
أكيد الخياط محتاج يعرف مقاساتك، ونوع المناسبة، وهل أنت مجرد هتحضرها ولا أنت صاحب المناسبة نفسها.
ده غير كمان امكانياتك المادية وذوقك في الاستايلات والالوان.
وأخيرا الميعاد اللي أنت عايز تستلم فيه الهدوم.
باختصار، هو ده الـBrief.
نفس الكلام ينطبق لما تيجي تكتب محتوى لعميل عندك. هتحتاج تعرف منه كل التفاصيل الخاصة بالاربع حاجات دول
شركته.المنافسين.الفئة المستهدفة.الهدف اللي هو عايز يحققه أو المشكلة اللي عايز يتخلص منها.وعشان تعرف كل التفاصيل دي هتحتاج انك تقعد مع صاحب البيزنس وتساله مجموعة أسئلة هتعرفك كل حاجة أنت محتاجها.
ده غير أن أسئلتك دي هتوضح للعميل انك فاهم شغلك كويس جدا وهتديله ثقة فيك.
وإحنا في Digital Hub عملنا PDF فيه كل الاسئلة دي، لو أنت محتاجه اضغط هنا
