ما هو الفرق بين SEO و SEM ؟
الآن فى عصر الديجيتال ماركتنج كم مرة سمعت عن كلمة SEO و SEM ؟ طيب ياترى فى فرق بين الاثنين ولا هما حاجة واحدة؟ وايهما أفضل ؟ ومتى يتم استخدام كل واحد منهم ؟ و ما هى المميزات والعيوب والنتائج لكل منهما ؟
وهل سألت نفسك عندما تقوم بالبحث فى جوجل عن منتج أو خدمة معينة لماذا تتصدر بعض مواقع الويب النتائج الأولى لصفحات البحث والاخرى تظهر فى الصفحات التانية ؟
فى هذا المقال هجاوبك على كل هذه الأسئلة التى ستساعدك فى عملك بشكل احترافى ايا كان نوعه
ما هو مفهوم SEO ؟
بكل سهوله SEO هو اختصار الى كلمة Search Engine Optimization وهو ظهور الويب الخاص بيك واللى بتعرض فيه منتج أو خدمة معينة فى أول صفحات نتائج محركات البحث بشكل مجانى والتى تعمل على زيادة عدد .الزيارات الى موقعك
وقتها هتقدر تعرف مين هم عملائك المهتمين بمنتجاتك وتقدر تحولهم الى عملاء دائمين ولازم تأخذ فى اعتبارك ان موضوع تحسين موقعك للظهور فى النتائج الاولى لجوجل عن طريق السيو يحتاج الى مزيد من الجهد المستمر والوقت بسبب المنافسة القوية فى عصر التسويق الالكترونى .
لكن لا تقلق فى هذا المقال هقولك على شوية عوامل هى اللى هتسهل عليك وتوفر جهدك و وقتك وتجعل موقعك يتصدر النتائج الاولى للبحث.
ماهو مفهوم SEM ؟
هو اختصار لكلمة Search Engine Marketing يعنى التسويق عبر محركات البحث وزيادة عدد الزيارات لموقعك بس من خلال الاعلانات المدفوعة الاجر اى الدفع على كل نقرة من اعلانك
ماهى عناصر تحسين محركات البحث السيو من داخل الموقع ؟
الاول تعال نعرف ايه هى عوامل السيو الداخلى والخارجى وياترى من فيهم أهم ولا الاتنين مع بعض مهمين لموقعك؟ فى الاول كده لازم تعرف ازاى تحسن موقعك من الداخل و ايه On page .
وايه الخطوات اللى لازم انت تعملها علشان تحسن موقعك من الداخل؟ هتقول يعني ايه؟ واعملها ازاى ديه ؟
1- المحتوى
يعنى تهتم بتقديم المحتوى اللى يجذب عملاءك ويكون عندهم اهتمام بالمنتج اللى بتقدمه لان المحتوى يعتبر الملك الاول اللى بيساعد على نجاح الويب وجعله قوى يتصدر التصنفيات الاولى للبحث
2- الكلمات المفتاحية
وديه بقى مهمة جدا وبتكون عبارة عن كلمة او كلمتين او جملة وتعتبر من اهم العوامل اللى بتحسن ظهور موقعك فى النتائج الاولى بنسبة كبيرة بس نصيحتى ليك قبل لما تكتب الكلمات دي حط نفسك مكان الشخص المستخدم واعرف هو بيفكر ازاى وبيدور علي ايه وايه اللى عاوز يوصله علشان تكتب كلمات مفتاحية بشكل احترافى تجذبه الى المحتوى اللى انت بتقدمه.
كرر الكلمات المفتاحية دي فى اول العنوان وفى مقدمة الموضوع بس لا يجب ألا تتخطى الكلمات المفتاحية عن 60 حرف كما هو مفضل لدى جوجل.
3 – الروابط الداخليه والروابط الخلفية
يعنى اهتم بالصور والفديوهات اللى تخلى العميل يقوم بالنقر على موقعك ويكون لديه الرغبة فى زياراته وبالطريقة ديه هتزود من عدد مشاهداتك والتفاعل يزيد.
اما بقى عن الروابط الخلفية وهى انك توصل موقعك بموقع اخر يكون محتواه هو نفس محتوى موقعك بغرض انك تشهر موقعك وتزود من عدد الزيارات لموقعك.
4 – علامات HTML
هتقول هو فى كمان علامات هقولك متقلقش دول علامتين بس وهما العنوان والوصف التعريفى ولازم يتضمنوا كلمات ريئيسة تكون ليها علاقة بالمحتوى اللى بتقدمه وتكون بتقدم معلومات بشكل مختصر عن صفحة الويب.
5- الاهتمام بصفحات Landing Page
يعنى بعد لما تختار كلمات مفتاحية جيدة ونص مميز يجذب عملاؤك اعمل رابط لصفحة هبوط قوية يكون فيها عنوان وطريقة جيدة علشان تتواصل مع جمهورك وتفعل CTA .
دلوقتى انت عرفت ازاى هتحسن موقعك من الداخل تعال بقى نتعرف على ازاى هتحسن موقعك من الخارج
ماهى عناصر تحسين محركات البحث السيو من خارج الموقع ؟
اكيد بتسمع عن كلمة OFF Page وممكن تكون مش ملم بكل المعلومات الخاصة بيها، ببساطة ال OFF Page هو انك تقوم بربط موقعك بمواقع ومنتديات اخرى عندهم عدد كبير من الزيارات تقولهم انك بتقدم محتوى جيد ومفيد علشان تكسب العدد الكبير ده فى زيادة عدد الزوار لموقعك وبكده تتخطى المنافسين وتفوز بعدد كبير من الزيارات لموقعك.
دلوقتى انت هتسال نفسك احسن موقعى من الداخل ولا من الخارج ؟ هقولك ان الاثنين بيكملوا بعض ولازم تعمل التحسين الداخلى والخارجى لموقعك فى ذات الوقت علشان يتصدر موقعك نتائج البحث الاولى بشكل فعال.
ماهو مفهوم التسويق عبر محركات البحث SEM ؟
يعنى التسويق عبر محركات البحث وزيادة عدد الزيارات لموقعك بس من خلال الاعلانات المدفوعة الاجر اى الدفع على كل نقرة من اعلانك PPC ، يعنى ببساطة كده الشركة اللى بتدفع اكتر هى اللى بتتصدر النتائج الاولى لمحركات البحث
نصائح استراتيجيات التسويق عبر محركات البحث SEM؟
1- حدد جمهورك اللى انت عايز تستهدفه علشان تقدر توصل ليهم بسرعه واهتم كتير بالكلمات المفتاحية
2- اعمل دعوه لعملاؤك علشان يقومواCTA.
3- حدد ميزانية الحملة الاعلانية على جوجل وهدفك من الاعلان يا ترى ايه جذب مزيد من العملاء ولا زيادة مبيعاتك
4- استخدم مدير إعلانات جوجل اللى عن طريقها تقدر تقيس مدى نجاح حملتك الاعلانية عن طريق مؤشرات الأداء KPIS
الفرق بين SEO و SEM ؟ من حيث الاهداف - المميزات - العيوب - النتائج
ايهما افضل SEO أم SEM ؟
وبعد ما عرفت الفرق بين SEO و SEM هتسأل نفسك سؤال مهم جدا ايهما افضل بالنسبة لموقعى تحسين محركات البحث ام الاعلانات المدفوعة ؟
SEO و SEM مش حاجة واحده وكل واحد منهم ليه مزاياه وعيوبه وان المهم انك تحدد ايه هو الوقت المناسب لموقعك باختيار واحد منهم فالسيو قد يكلفك كثير من الوقت والجهد لظهور موقعك فى النتائج للبحث ولكنك ستصل الى نتيجة ممتاز لموقعك فى الحصول على تصنيف اعلى للظهور فى محركات البحث .
ولكن عن طريق التسويق عبر محركات البحث SEM يمكنك فى خلال وقت قصير ان تحصل على زيادة فى عدد الزيارات والنقرات واستهداف عملاء جدد ويتحسن ظهور موقعك فى نتائج البحث وكمان هيكون عندك وسيلة لقياس مدى نجاح حملتك الاعلانية .
وعلشان تقرر ايهما افضل فى الاستخدام فعند وضعك لاستراتيجية التسويق الخاصة بك لازم تحدد من هم عملاءك اللى انت عايز تستهدفهم ؟ واين تجد عملاءك ؟ وايه هى الخدمات والمنتجات اللى انت عاوز تقدمها ليهم ؟ وايه هى اهدافك من الاعلانات المدفوعة هل هى زيادة عدد الزيارات لموقعك وجذب العملاء ام زيادة عدد المبيعات ؟
و نصيحتى ليك لازم تعرف انك صعب تعتمد على واحد منهم فقط ولكن الافضل ليك انك تشتغل على الاتنين فى التوقيت اللى يكون مناسب مع خطتك الاستراتجية علشان تحصل على موقع قوى وفعال ومفيد الى جمهورك.
متى تركز على تحسين محركات البحث SEO ؟
أفضل وقت لبدء عملية تحسين محركات البحث هو من وقت بداية تطوير موقع الويب الخاص بك. مع اخذك فى الاعتبار لبعض العوامل مثل جودة المحتوى اللى انت بتقدمه و هيكله موقع الويب وتحسين الروابط الخلفية وسرعة الموقع وكل العوامل ديه هتزود من عدد الزيارات لموقعك بشكل كبير.
متى تركز على التسويق عبر SEM ؟
1- اذا كنت ترغب فى ظهور موقعك فى نتائج البحث الاولى فى وقت قصير
2- ارتفاع نسبة مبيعاتك
3- زيادة وعى عملاء بعلامتك التجارية
يعتبر التسويق الالكترونى فى الوقت الحالى مهم جدا لنجاح اى شركة والوصول الى جمهورك المستهدف لذلك يستخدم SEM استراتجية تسويق مدفوعة للظهور فى النتائج الاولى لمحركات البحث وزيادة مبيعاتك ووعى جمهورك بعلامتك التجارية على عكس SEO يستخدم استراتجية تسويق مجانية ليتصدر موقعك النتائج الاولى فى محركات البحث ولكنه يحتاج منك الى مزيد من الجهد والوقت لزيادة الزيارات والتفاعل على موقعك.
وحتى تحقق النجاح فى مجال التسويق الالكترونى من الافضل لك ان تعمل على تطبيق الاثنين معا لتحقق اهداف استراتجيتك التسويقية بشكل فعال وقوى.
الأسئلة الشائعة:
ما هو الفرق بين SEO و SEM؟
باختصار ، يتمثل الاختلاف الرئيسي بين SEO و SEM في أن مُحسّنات محرّكات البحث تركز على تحسين تصنيف محرك البحث العضوي لموقع الويب ، بينما يتضمن التسويق عبر محرك البحث الإعلانات المدفوعة لتوجيه حركة المرور المستهدفة إلى موقع ويب
أيهما أكثر فاعلية لزيادة حركة المرور على موقع الويب: تحسين محركات البحث أم التسويق عبر محرك البحث؟
يمكن أن يكون كل من SEO و SEM فعالين في زيادة حركة المرور على موقع الويب ، ويعتمد الاختيار بين الاثنين على أهداف العمل والميزانية والجدول الزمني. يمكن للجمع بين كل من تحسين محركات البحث والتسويق عبر محرك البحث تحقيق أفضل النتائج من حيث حركة المرور على المدى القصير والطويل.