Digital Hub Egypt Academy

Digital Hub Egypt logo

مقالاتنا

طبعا لما بيجي في بالك مصطلح التسويق الإلكتروني بتتخيل أنه تم اختراعه أول امبارح، بس أحب أقولك أنه أول ماركتيير في العالم هو المهندس الإيطالي غولييلمو ماركوني وهو أول انسان انشأ الإشارات اللاسيلكية عام 1896 م ثم اخترع الراديو، وبعدها أدرك مبدعون هذا العصر أنهم ممكن يستخدموا الراديو في الإعلان والبيع.ومن موقعي هذا أحب أقولك أنك هتتعلم التسويق الإلكتروني من الصفر وتبقى أحسن من غاليلمو كمان. 

صحيح نسيت أقولك أنه كان أول بث مباشر على الراديو استخدموه لبيع تذاكر للأوبرا وبالفعل اشترى الناس التذاكر!.

مفهوم التسويق الإلكتروني

بكل بساطة هو الترويج عبر الإنترنت بحيث أنك بتحاول تعرض أو تبيع منتج أو خدمة معينة وكمان بيساعدك على بناء تواجد حصري ليك ولخدمتك على شبكات التواصل الاجتماعي ووقتها هتقدر تتعرف على عملائك المحتملين اللي ممكن يكون عندهم اهتمام بمنتجك دا وتقدر تحولهم لزبائن دائمين. 

وفي المقال دا هتقدر تتعلم التسويق الإلكتروني من الصفر وتكسب تواجد قوي على السوشيال ميديا وتحقق أهدافك اللي نفسك توصلها من خلال التسويق الرقمي. و بذلك فهي عملية قابلة للتعديل و التطوير المستمر للتكيف مع المتغيرات.

أنواع التسويق الإلكتروني

أنواع التسويق الإلكتروني

أنت دلوقتي برضه مش عارف إزاي هتتعلم التسويق الإلكتروني من الصفر صح؟ عشان أجاوبك على السؤال دا لازم الأول تعرف أنواع التسويق الإلكتروني وتحدد أنت بتحب أي مجال أكتر وتبتدي تغوص فيه وهي: 

  1.  تحسين محركات البحث Search Engine Optimization.
  2.  التسويق عبر محركات البحث Search Engine Marketing.
  3.  التسويق بالمحتوى Content Marketing.
  4.  التسويق عبر وسائل التواصل الاجتماعي Social Media Marketing.
  5.  الدفع لكل نقرة Pay Per Click.
  6.  التسويق بالعمولة Affiliate Marketing.
  7.  التسويق عبر البريد الإلكتروني Email Marketing.

أدوات التسويق الإلكتروني

عشان تكون مسوق ناجح لازم تتعلم الأدوات اللي هقولك عليها دي لأنها هتساعدك على تعلم التسويق الإلكتروني من الصفر للإحتراف، ولازم تأخد في اعتبارك أن التسويق الإلكتروني مش مجرد كام بوست على الفيسبوك الناس تشوفه ويلم شوية لايكات، لا دا أنت لازم تتقن مجموعة من الأدوات عشان تبقى ماركتير صح.

وكمان هتسهل عليك وهتزود انتاجيتك وهتوفر عليك وقت ومجهود خصوصًا أن كل ما كنت متخصص ومحترف أكتر كل ما كانت المسؤليات عليك أكتر لأنه بسبب الثورة التكنولوجية اللي بنعيشها الأيام دي كل حاجة تقريبًا كانت بتتعمل يدويًا تم إلغائها وظهر بدالها البرامج والمواقع اللي بتسهل عليك الدنيا في كل حاجة.

أهمية أدوات التسويق الإلكتروني

1- زيادة الإنتاجية.
2- توفير الوقت والجهد.
3- ممتازة في التنظيم.
إليك أهم أدوات التسويق الإلكتروني لرفع معدل انتاجيتك والتفوق على منافسيك:

1-أهم أدوات التسويق الإلكتروني عبر وسائل التواصل Social Media Marketing Tools:

التسويق عبر السوشيال ميديا

عشان تتعلم التسويق الإلكتروني من الصفر، يبقى لازم تكون عارف كل الأدوات المهمة وتختار اللي تعرف تتعامل معاها وتعتمدها. طبعا أنت عارف أن وسائل التواصل الاجتماعي من أهم الطرق للتسويق الإلكتروني بسبب انتشارها الشديد بين كل فئات الشعب لذلك تعتبر من أسهل طرق التسويق الإلكتروني.

1-أداة Facebook Audience Insights: من أهم الأدوات المجانية اللي بيقدمها الفيسبوك ومن خلالها تقدر تعرف وتحلل زوار صفحة الفيسبوك وتعرف معلومات كثيرة عنهم واللي هتساعدك فيما بعد على استهداف العملاء الصح ليك.

2-أداة Bitly: ضروري تكون بتعرف تستخدمها لأنها هتقصرلك الروابط الطويلة وهيبقى سهل تشاركها على صفحات السوشيال ميديا، تعتبر من الأدوات المجانية ولكن فيها جزء بسيط مدفوع تقدر من خلاله تعرف مين اللي ضغط على الرابط بتاعك. 

أدوات إضافية لتقصير الروابط:

  • Tiny URL
  •  Linktrack

3أداة Facebook & Instagram Creator Studio: تقدر من خلالها تجدول منشوراتك على الفايسبوك والانستجرام في وقت واحد وتحلل الأداء لكل منشور، متاحة للجميع لأنها مجانية.
أدوات إضافية لجدولة المنشورات:

  • Agorapluse
  • Hootsuite
  • Buffer
  • Crowdfire
  • Social Loomph
  • Friend+Me
  • Later (مثالي للناس اللي بتهتم بانستجرام أكثر)

2-أهم أدوات تحسين محركات البحث Search Engine Optimization Tools :

التحسين عبر محركات البحث

تحسين نتائج البحث لموقعك عملية ضرورية لا غنى عنها عشان كدا لازم تتعلم الأدوات اللي هتساعدك ترتب موقعك نتيجة أولي في محركات البحث زي جوجل مثلا ومن هنا تقدر تقول انك بدأت فعلا تتعلم التسويق الإلكتروني من الصفر.

1-أداة Google Keyword Planner: من أشهر وأفضل الأدوات الخاصة بالSEO، فهي مجانية تمامًا وهتساعدك على الكشف عن الكلمات المفتاحية اللي بتلائم نشاطك التجاري ومن ثم تزداد احتمالية أن موقعك يتصدر النتائج الأولى في محرك البحث جوجل.

أدوات إضافية للبحث عن الكلمات المفتاحية:

  • Ahrefs
  • SEMRUSH
  • Ubersuggest

2-أداة Yoast SEO: لو كنت من مستخدمي برنامج الwordpress فتعتبر هذه الأداة من أفضل الأدوات في مجال تحسين محركات البحث لأنها بتساعدك على معرفة مدى كثافة كلماتك المفتاحية في المقال، وهل العدد مناسب ولا محتاج تزود أكثر.

كما أنها تعمل على تهيئة موقعك الالكتروني لمحركات البحث. فيها جزء مجاني يفي بالغرض بس لو محتاج مميزات أكثر تقدر تشترك في الجزء المدفوع و هتقترح عليك الكثير من الراوبط الداخلية عشان تعزز قوة وترابط مقالك. 

3-أهم أدوات التسويق الإلكتروني عبر البريد الإلكتروني:

التسويق عبر البريد الإلكتروني

1-أداة MailChimp: من أشهر وأهم الأدوات في قسم التسويق عبر البريد الإلكتروني لأنها بتمكنك من بناء حملتك التسويقية وتتبع احصائياتها، طبعا في جزء مجاني للمبتدئين تقدر تستخدمه مع 2000 مشترك كحد أقصي وإرسال فيما يقارب من 1000 بريد إلكتروني في الشهر ويوجد أيضًا جزء مدفوع يتيح لك مميزات أكبر.

2-أداة Hupspot: هي أداة مجانية تتيح لك إرسال عدد غير محدود من رسائل البريد الإلكتروني لجهات اتصالك والتي من خلالها تستطيع إخبارهم بكل عروض منتجاتك، كمان بتمكنك من تتبع واكتشاف عدد النقرات على رسائلك.

أدوات إضافية للبريد الإلكتروني:

  • OMNisend :مجانية مع عدد لا محدود من جهات الاتصال وارسال 1500 رسالة بريد في الشهر .
  • Userfex : تساعدك في جدولة حملاتك على البريد الإلكتروني، وهي أداة مدفوعة تبدأ من 49 دولار في الشهر.
  • Sendplus

4-أهم أدوات التسويق بالمحتوى:

التسويق بالمحتوي

التسويق بالمحتوى من أساسيات أي حملة تسويقية لأن المحتوى هو الملك وطبعًا لازم الملك يكون قوي عشان يقدر يحكم المملكة كويس وعشان تقدر تتعلم التسويق الإلكتروني من الصفر لازم تتقن التسويق بالمحتوى كويس جدًا لأنه من أبجديات التسويق الرقمي، سواء كان المحتوى بتاعك على موقع إلكتروني أو على صفحات التواصل الاجتماعي. إليك أهم الأدوات:

1- لبناء موقع إلكتروني وإدارته:

– أداة Hostinger: تشمل اللغة العربية والإنجليزية، فيها جزء مجاني تستطيع منه شراء Domain لبناء موقعك الإلكتروني مقابل تكلفة سنوية أو شهرية.
– أداة WordPress: من أشهر الأدوات استخدامًا لبناء المواقع سهلة جدًا ومجانية بالكامل.

أدوات إضافية لبناء المواقع:

  • Wix
  • Blogger
  • Weebly
  • Drupal
  • Joomla

2-أدوات لتحليل مدى جودة موقعك الإلكتروني:

  • أداة Google Analytics 

من أشهر الأدوات المجانية المقدمة من جوجل، تقدر من خلالها تحلل موقعك وتقيس الحركة المرورية لموقعك وعدد النقرات وأماكنها بالظبط. يوجد أيضًا أداة مجانية أخري لتحليل الموقع اسمها Google Alerts.

3- أدوات لاختيار عناوين جذابة:
طبقًا لمقولة الجواب بيبان من عنوانه، يبقى لازم تاخد وقتك مظبوط في اختيار عنوان جذاب للعميل عشان يقدر يتشد لخدمتك سواء كنت بتقدمها من خلال فيديو أو مقالة أو بودكاست، فالعنوان هو مغناطيس العميل، زي ما بيقولوا Killer Hook وهيساعدك في دا:

  • أداة Share through: بتعملك تحليل شامل للعنوان وبيوضحلك نقاط القوة اللي فيه وبيقولك اقتراحات عشان تزود قوة الهيدلاين. تدعم اللغة العربية والإنجليزية.
  • أدوات إضافية لاختيار العناوين الجذابة: (أداة Headlinestudio): أداة مجانية تقدر من خلالها تعرف هل طول العنوان مناسب ولا لأ، هل واضح وقرائته سهلة ولا لأ.

4-أدوات تصميم المحتوى المرئي:
مجرد أنك قررت تنطلق على السوشيال ميديا أو حتى تبني موقعك الإلكتروني، لازم يكون في إيديك موقع تقدر تصمم عليه محتوى مرئي جذاب لأنه من ضمن العوامل القوية اللي بتلفت انتباه الزائر ليك، بالإضافة أنك بتربط البراند في ذهن العميل بصورة معينة بمجرد ما يشوفها في أي مكان علطول يعرف أن الكلام عليك أنت.

-أداة Canva: من أسهل الأدوات اللي تقدر تستخدمها في التصميم والشروحات فيها جزء مجاني تقدر تستخدمه بكل بساطة، ولو حابب امكانيات أفضل وأكثر تقدر تشترك في الخطة المدفوعة سعرها في الشهر 119 جنيه ولو هتشترك سنة كاملة هتدفع 999جنيه. 

طب قولي اظن أنت كدا عرفت تتعلم التسويق الإلكتروني من الصفر وعرفت كل الأدوات المطلوب منك تتقنها صح؟

عوامل نجاح التسويق الإلكتروني

شوف أولًا كدا عشان تبقي ماركيتير ناجح لازم تطور مهارة الكتابة عندك مع مهارات التواصل عشان تقدر تقنع وتشرح للشخص اللي قدامك نشاطك وشغلك كويس وكمان لازم تكون بتعرف تحلل المعلومات عشان تقدر تحكم إذا كانت حملاتك التسويقية ماشية في الاتجاه الصح ولا محتاجة تتطور. وطبعًا أكيد لازم تكون ملم بكل ما هو جديد في مجال التسويق الرقمي خصوصًا في مجال الذكاء الاصطناعي. 

1-حدد نشاط معين وافهمه كويس : 
بمجرد دخولك عالم تعلم التسويق الرقمي لازم ولابد تحدد تخصص معين اللي بيسمي بال niche market وتدرس منافسيك في المجال دا وتفهم تصرفاتهم في حملاتهم التسويقية وإزاي يقدروا ينجحوا مشروعاتهم وقتها هتقدر تقدم خدمة مميزة عن غيرك حتى لو كانت متشابه مع نشاط منافسيك. 

2- انشئ محتوى صح
شوف الجمهور دلوقتي مش زي زمان والعملاء أصبح عندهم وعي من أول ما بيعملوا سيرش عن المعلومة اللي بيدوروا عليها وعارفين كويس مين بيقدملهم قيمة ومين لأ، عشان كدا لازم تتعب على المحتوى بتاعك وتعرف كويس أوي احتياج العميل اللي قدامك وتقدمله الحل في الوقت المناسب بالأخص الوقت اللي هو بيدور فيه على حل مشكلته.

 لازم تتفاعل مع العملاء دائمًا وتعتمد تنوع في محتواك بين المحتوى التعليمي والمحتوى الترفيهي والمحتوى القصصي بمعني أنك تتكلم عن بداياتك والصعوبات اللي واجهتك وعن منتجاتك وهكذا.

3-اخلق فكرة واستمر عليها 
تعلم التسويق الإلكتروني من الصفر مش صعب أبدًا أهم حاجة يكون عندك فكرة بتسعي لها، وبمجرد ما تحدد المحتوى المميز اللي بيعتمد على جمهورك المستهدف والمنافسة في السوق وكمان الترند كدا هتقدر تعزز وجودك في الأذهان خصوصًا أنت عارف أن معظم البشر دلوقتي أغلب تعاملهم أصبح على السوشيال ميديا فحاول دايمًا تظهر في الأماكن اللي بيتواجد فيها عميلك المثالي .

مثال عشان نوضحها أكثر: أول ما بتشوف إعلان لشركة آبل، إيه أول حاجة بتيجي في بالك؟ الفخامة والبريستيج والشياكة والمميزات اللي مش موجودة في أي موبايل تاني صح.

طب مثال تاني : لو انطلب منك ترسم زجاجة كاتشب علطول هترسم عبوة هاينز عشان الكاتشب ارتبط في ذهنك بشركة هاينز ودا اللي قدروا يقدموه بجودتهم المميزة العالية حتى لو كان فيه منتجات كتير جودتها كويسة.

4- مقياس نجاح الحملة لازم يكون متحدد 
ضروري تحدد مقياس لنجاحك ويكون واقعي بعيداً عن المثالية، مبني على أهداف استراتيجيتك مع وضع وقت محدد لتحقيق الأهداف ولا تترك الأمور بدون نهاية.

5-لازم تكون بتعرف تعمل قمع تسويقي
هو أنك تقدر تظهر للعميل في الوقت المناسب وتقنعه بالنفع اللي هيعود عليه لما يستخدم منتجك إزاي هيحل مشكلته وتحوله أنه يقول أنا فعلا محتاج المنتج دا وبعدها ياخد رده فعل ويشتري منك، ودا في علم التسويق بيسمي بال AIDA Funnel . 

6-عزز رسالة البراند الخاص بيك.
طب ودا هنعمله إزاي؟

هقولك…

اختار لوجو يعبر عن هويتك واختار اسم جذاب، اهتم بالمحتوي البصري عشان يبرز محتواك أكثر وطبعًا ضروري تهتم بتحسين محركات البحث SEO عشان موقعك يظهر علطول في عمليات البحث. مهم برده أنك تصنع تجربة مستخدم مرنة على موقعك الإلكتروني بتمكن عميلك من التصفح بكل سهولة. حتي لو كنت شايف أن علامتك التجارية صغيرة لو اتبعت كل الخطوات دي هتصنع ميزة تنافسية هتقويك وتظهرك. صدقني تعلم التسويق الإلكتروني مش صعب خالص بس محتاج عزيمة وتوجيه. 

7-التوقيت المناسب
مش كل الأوقات مناسبة أنك تنفذ فيها استراتيجية تسويق معينة أنت بتخطط لها، وعشان تقدر تحقق مبيعات عالية لازم توصل للتوقيت المثالي للعميل لأن فيه أوقات ذروة للشراء، على سبيل المثال: أوقات الصيف بيزيد فيها الطلب على منتجات البحر ومستلزمات السباحة وغيره ودا طبعًا هيحتاج منك تخطط لاستراتيجية قوية وشديدة بسبب زيادة عدد المنافسين في الوقت دا.

8- اختبارات أ و ب لحملتك التسويقية
لما تيجي تعمل حملة تسويقية لمحتواك وزيادة الانتشار، جرب تعمل اختبارين تجريبين اسمهم أ و ب بنفس الأهداف والفئات المستخدمة وليكن مثلا هتنشر مقالات معينة جربت تنشر واحد قصير وواحد طويل، وتابع أي واحد منهم أدي إلى نتائج أكثر ساعتها اعتمده في الحملة التسويقية الأساسية وانطلق.

عناصر التسويق الإلكتروني

عناصر التسويق الإلكتروني

فيه 7 عناصر أساسين لازم تعرفهم لما تبدأ تتعلم التسويق الإلكتروني وتتمكن منهم كمان لأنهم هيختصروا عليك طريق طويل وهيحددولك وجهتك الصحيحة وهما: 

1- الاستراتيجية
أي نشاط في العالم بيحتاج إلى استراتيجية معينة وخطوات محددة عشان تعرف شغلك هيمشي إزاي؟ وكمان بتحددلك باقي خطواتك في الحملة هيكون شكلها إيه. كما أن الاستراتيجية الصح هتساعدك على تحقيق أهدافك بشكل مباشر. حقيقي تعلم التسويق الإلكتروني دا كنز.

2- المحتوى
زي ما قولنا أن المحتوى هو الملك يبقى لازم تهتم بيه جدًا خصوصًا أنه أصبح له دور كبير في عصرنا الحالي لأنه بينشر الوعي ومسئول عن إقناع العملاء المحتملين. كمان المحتوى المتنوع مطلوب حاول تعمل ميكس جذاب بين أنواع المحتوى التعليمي والترفيهي وهكذا. يعتبر المحتوى من الوسائل القوية في مجال تعلم التسويق الإلكتروني من الصفر لإنه بيتم تشبيهه بالدراجة اللي بيتنقل بها العميل طوال رحلته.

3- الأتمتة (marketing automation):
عنصر أساسي لابد منه، وواجب عليك عشان تصبح ماركتير محترف أنك تتعلم أدوات الأتمتة لما لها من مميزات كثير أولهم أنها بتختصر وقتك وبتزود انتاجيتك وبتسمحلك بخلق مساحات جديدة من الابتكار وكمان بتمنحك المرونة القصوى اللي بتمكنك أنك تقدر تشتغل مع أكثر من عميل في وقت واحد.

4-العلامة التجارية
تأسيس العلامة التجارية والتي تسمي بالبراندنج هي العنصر الرابع من عناصر التسويق الإلكتروني، حيث تمنح عملك هوية وأسلوب لا ينساه الجمهور. وهي عبارة عن خدمة معينة بيتم خلق المشاعر المؤثرة حولها ودعمها بالمحتوى المرئي الجيد حتي تخلق صورة ذهنية عند العميل.

5- الموقع الإلكتروني
يعتبر من العناصر المهمة في التسويق الإلكتروني لأنه بيعبر عن تواجدك الرقمي بشكل واضح وصريح وبيسوق لخدماتك وبيوضح كل التفاصيل عليها ودا طبعا بيسهل على العميل كثير حيث يعتبر الواجهه الحقيقة لتواجدك الرقمي.

6-الحملات التسويقية
تعتبر الحملات التسويقية عنصرًا أساسيًا قويًا في تعلم التسويق الإلكتروني، لأنها تعمل على تنمية قاعدة عملائك وانتشار محتواك بين الجمهور وكمان بتحسن سمعتك وبتعزز وجودك على محركات البحث.

7-وسائل التواصل الاجتماعي 
من أهم عناصر التسويق الالكتروني ولا يجب عليك إهمالها أبدًا، لأن من خلالها هتقدر توصل لجمهورك المستهدف وتتفاعل معاهم بقوة وتبني روابط بينك وبينهم.

نصائح هامة للبدء في التسويق الإلكتروني

عشان تقدر تتعلم التسويق الإلكتروني من الصفر للاحتراف ركز في النصائح دي وطبقها نقطة نقطة وساعتها هتبقى خبير في مجالك خصوصًا أنت عارف أنت التسويق الرقمي أصبح أمر مهم للغاية للنجاح طويل الأمد لمتجرك على الإنترنت.إليك أهم النصائح:

1-اتعلم أساسيات التسويق الإلكتروني
2-طور من مهاراتك الناعمة Soft Skills حتى تستطيع أن تتعامل مع المواقف المختلفة.
3-احصل على شهادات في التسويق الإلكتروني من جوجل.
4- ذاكر كورس لتحسين محركات البحث SEO.
5- احصل على كورسات في الإعلانات مثل Facebook ADS و Google ADS. 
6- ابدأ في بناء موقعك الإلكتروني لكي يعرفك الجمهور.
7-احصل على فرصة تدريب حقيقية داخل شركة حتى تعرف شكل الشغل على أرض الواقع.
8-حاول أن تكتسب الخبرة في Google Analytics.
9-كن على اتصال بكل ما هو جديد في مجال التسويق الرقمي أول بأول.
10- تعلم استخدام أدوات التسويق الإلكتروني التي تسهل عليك عملك.

أفضل 5 مواقع لتعلم التسويق الإلكتروني

كدا الرؤية وضحت وأصبحت خطوات تعلم التسويق الإلكتروني من الصفر واضحة ومحددة، هقولك على 5 مواقع تقدر تستفيد منهم وتزود خبراتك أكثر و هم:

1-أكاديمية HubSpot: مجموعة من الكورسات التي تخص تعلم التسويق الإلكتروني من الصفر مثل تعلم المحتوى وتحسين محركات البحث والتسويق عبر البريد الإلكتروني والكثير منها و كلها مجانية.

2-مهارات من جوجل:كورس أساسيات التسويق الرقمي المجاني، مدة الكورس 40 ساعة، مرونة الحضور، الحصول على شهادة إتمام الكورس لو تخطيت الاختبار الأخير.

3- منصة Coursera: مجموعة من 7 كورسات عن تعلم التسويق الإلكتروني، مدة الدراسة 8 شهور، مدفوعة الأجر 79$، ولكن تستطيع أن تقدم على الدعم المادي وتأخذه بالمجان، و تستلم منه شهادة إتمام.

4- موقع eMarketing Institute: يحتوي على العديد من الكورسات التي تخص تعلم التسويق الإلكتروني من الصفر كالتسويق بالعمولة والتسويق بالمحتوى وتحسين محركات البحث والعديد من الكورسات وكلها مجانية.

5- أكاديمية Semrush: بها كورس مجاني لتعلم التسويق الإلكتروني للمسوقين الجدد وأصحاب الأعمال.

الأسئلة الشائعة:

ما المقصود بالتسويق الإلكتروني؟
التسويق الإلكتروني هو استخدام الإنترنت ووسائل التواصل الاجتماعي والبريد الإلكتروني والإعلانات المدفوعة وغيرها من الوسائل الرقمية للترويج للعلامة التجارية أو المنتج أو الخدمة وجذب الزبائن وزيادة المبيعات.

كيف ابدأ بتعلم التسويق الإلكتروني من الصفر؟
1- فهم المفاهيم الأساسية للتسويق الإلكتروني.
2- قراءة مقالات ومشاهدة فيديوهات تعليمية حول التسويق الإلكتروني.
3- تجربة الأدوات والتقنيات المختلفة المستخدمة في التسويق الإلكتروني.
4- دراسة الحملات الإعلانية الناجحة للاستفادة منها.
5- تطبيق ما تم إكتسابه على مشروع والعمل عليه.

الكاتبة/

شارك المقالة:

اترك تعليقاً

مقالات مشابهة