ما هو الافلييت ماركتنج وكيف تبدأ الربح منه؟ دليل المبتدئين
بتسمع كتير كلمة الافلييت ماركتنج ولحد دلوقتي أكيد أنت مش ملم بكل المعلومات بس أنا في المقال دا هعرفك ما هو الAffiliate Marketing، قد يبدو الموضوع سهل بالنسبالك مجرد عمولة بتاخدها لما تسوق لمنتج، بس الموضوع مليان تفاصيل كتير لازم تعرف كل نقطة فيها ومتفوتهاش لو أنت ناوي تكسب دولارات من قعدتك على الأنترنت، يبقى ضروري تركز معايا في اللي جاي.
ما هو Affiliate marketing؟
يعتبر الافلييت ماركتنج (التسويق بالعمولة) من أشهر وسائل الإعلان الذي تستخدمه الشركات لزيادة وتحسين حركة المرور على مواقعهم. فهو نوع من أنواع التسويق الإلكتروني الذي يكسب فيه المسوق عمولة على أي منتج أو خدمة يقوم بالترويج لها، حيث يقوم بتوجيه العملاء إلى موقع الخدمة من خلال رابط معين ينشره المسوق على حساباته الخاصة.
وعندما يقوم العميل بالشراء من خلال هذا الرابط تتحول عمولة المسوق على الفور إلى حساباته البنكية وهذا ما يسمي بالتسويق بالعمولة. مع العلم أن المسوق بالعمولة لا يمتلك تلك الخدمات بل أنه وسيط بين البائع والمشترى.
معاني أهم مصطلحات الافلييت ماركتنج:
لو قررت تبدأت في مجال الافلييت ماركتنج يبقى لازم تكون عارف المصطلحات المختلفة الجديدة اللي ممكن تكون منتشرة في العصر الحديث، وكالعادة زي ما قولنا قبل كدا طالما بدأت في مجال التسويق الإلكتروني ومهما كان تخصصك لازك تكون ملم بكل ما هو جديد. هشرحلك دلوقتي أهم المصطلحات الأكثر استخدامًا في مجال التسويق بالعمولة.
1- الأفلييت Affiliate: هو الشخص اللي بيحاول يبيع منتج أو خدمة شركات معينة على قنواته الخاصة وبيقوم بالترويج ليها وبمجرد أن يتم البيع بيوصله الكوميشن بتاعه على حسابه البنكي.
2- شبكة الأفلييت Affiliate Network: هي منصة بتربط بين التجاراللي بيقدموا المنتجات والمسوقين بالعمولة. وهذه المنصة بتقدم مجموعة من الخدمات للتجار والمسوقين مثل: التتبع tracking، والإبلاغ في حالة وجود أي اضرار، ومتابعة عمليات الدفع أيضًا.
3- معدل التحويل Conversione Rate: هو عبارة عن قياس عدد المرات التي قام الأشخاص فيها باتخاذ رد فعل مثل: الاشتراك في النسخ المجانية أو تحميل كتاب معين وهكذا. تقدر تحسب معدل التحويل من خلال قسمة عدد التحويلات المكتملة على عدد الزوار. على سبيل المثال لو كان عندك 100 زائر على موقعك في فترة زمنية معينة، وقام 6 زوار الاشتراك فعليًا، يصبح معدل التحويل 6%.
4- التكلفة لكل إجراء CPA) Cost Per Action): يقوم بقياس تكلفة الحصول على عميل يتخذ رد فعل واجراء معين تجاه خدمة معينة مثل تحميل نسخة مجانية من الكتاب. ويتم حسابCPA بقسمة التكلفة الإجمالية لحملتك التسويقية على عدد الإجراءات المتخذه فعليًا. على سبيل المثال إذا أنفقت شركة ما 100 دولار على حملتها التسويقية وقام 10 أشخاص باتخاذ إجراء تجاه الخدمة المقدمة، فيصبح قيمة CPA= 10 $
5- التكلفة لكل نقرة CPC) cost per click): مبلغ من المال يقوم المُعلِن بدفعه في كل مره يقوم شخص ما بالنقر على إعلانه. من خلال ال CPC تقدر الشركات تعرف إذا كانت إعلانتها مناسبة فعلا للجمهور المستهدف ولا لا وإذا كانت الكلمات المفتاحية جذابة أيضًا.
6- النقرة Click: عندما يقوم شخص ما بالنقر فوق لينك معين أنت بتقوم بنشره، والذي يسمي في مجال الAffiliate Marketing باسم الAffiliate Link، ولما الشخص بيضغط على اللينك دا بيوصله اتوماتيك لموقع أو منصة من منصات السوشيال ميديا اللي المُعلِن(البائع) بينشر خدماته عليها، وبمجرد ما تشتري فعليًا الخدمة بيكسب المسوق عمولة متفق عليها من قبل.
7- صفحة الهبوط Landing Page: هي صفحة بيتم انشاؤها مخصوص لحملة تسويقية ما وبتظهر للجهمور لما بيضغط على رابط خارجي، وبيتم استخدامها في الافلييت ماركتنج للترويج عن خدمة معينة بحيث نحتوى على معلومات عن الخدمة دي بالإضافة لزر لإتخاذ إجراء فعّال مثل: اشترك في نسختك المجانية الآن. والهدف منها هو تحويل الزوار إلى عملاء حقيقين وكسب العمولة من الAffiliate Marketing.
8-حركة المرور Traffic: حركة المرور مهمة جداً في الافلييت ماركتنج لأنها بتعبر عن عدد الناس اللي زارت الموقع الخاص بالبائع، وكمان هي الخطوة الأولى في عملية تحويل الزوار إلى عملاء محتملين. كدا أنت قدرت تعرف ماهو الAffiliate Marketing مبدئيًا.
ما هي أنواع برامج الافلييت ماركتنج؟
لو كنت بتفكر تبتدي في المجال ومش عارف لسه ما هو الAffiliate Marketing وأنك تبدأ تروج لأحد المنتجات وتزود دخلك، يبقا لازم تعرف أنواع برامج التسويق بالعمولة عشان تحدد أي واحد فيهم مناسب لجمهورك أكتر، وضروري تعرف كمان جمهورك بيقضي معظم وقته على أي منصة، هل بيحب يسكرول على الفايسبوك، ولا على تويتر، ولا بيقرأ مقالات أكتر، كل دي أسئلة لازم تجاوب عليها عشان تقدر تحدد بالظبط البرنامج المناسب.
1- البحث عن شركات التسويق بالعمولة Search Affiliates
في البرنامج دا يقوم المسوقون بدفع المال للترويج عن عروض شركات التسويق بالعمولة على نتائج محركات البحث أو على منصات التواصل الاجتماعي مثل الفايسبوك. يعتبر البرنامج دا خيار ممتاز للمسوقين اللي ليهم خبرة بمجال الSEO وحابين يطبقوا اختبار A\B لمعرفة ايه أكتر إعلان زود معدل التحول بين الجمهور.
2- برنامج المؤثرين Influencer Programs
يعتبر من أهم برامج الافلييت ماركتنج، من خلاله هتقدر تاخد عمولة على كل منتج أنت استخدمته وبدأت تدل الناس عليه، على سبيل المثال لو أنت ليك قناة على اليوتيوب تخص الطبخ وعندك كتير من المتابعين، وبتقدم وصفات لأكلات معينة تقدر تروج للأجهزة المطبخ اللي بتستخدمها في مطبخك من خلال لينكات خاصة بكل منتج بتدونها في صندوق الوصف في اليوتيوب.
كمان متنساش أن كون أنك بستخدم الجهاز اللي بتوصي بيه دا في مطبخك هتكون أكثر مصداقية بالنسبة للجمهور لأنه شافك بتستخدم نفس الجهاز اللي بتروج لهم عنه وهيثقوا فيك اكتر.
3- مواقع الريفيوهات Review Sites
توجد مواقع مخصصة تسمي مواقع الريفيوهات وهي برنامج أساسي في Affiliate Marketing لأنها بتقدم مراجعة شاملة للمنتجات والخدمات وتعتبر طريقة رائعة لزيادة حركة المرور وتوليد عدد كبير من العملاء المحتملين، كما أنها مسئولة عن زيادة الوعي بالمنتج المراد الترويج له وكمان بتزود الثقة بينك وبين العميل. مثال على أحد تلك المواقع وهو موقع The Wirecutter وهو موقع يعرض الكثير من الريفيوهات وآراء للعملاء السابقين عن الكثير من الخدمات والمنتجات.
4- مواقع الكوبونات Coupon sites
مواقع مخصصة لتقديم كوبونات وقسائم شراء وخصومات بتساعد العميل أنه يستخدمها في وقت الشراء وطبعا فوائدها كتيرلأنها بتوصل لشريحة كبيرة من العملاء وبتزود كمان نسبة الشراء واتخاذ إجراء. مثال:
- موقع Groupon يقدم خصومات على مجموعة واسعة من المنتجات والخدمات.
- موقع Almowafir موقع عربي بيقدم الكثير من الكوبانات للكثير من المواقع العربية مثل نون.
5- تسويق البريد الإلكتروني Email Marketing
تعتبر من برامج الافلييت ماركتنج المهمة، حيث تستطيع ارسال رسائل البريد الإلكتروني للترويج عن خدمتك أو منتجك، ولكن مع الأخذ في الاحتياط أن ترسل هذه الرسائل بجرعات محددة للعملاء وليست بدون داعي حتى لا يمل منك العميل. كما أنها طريقة رائعة لتوليد العديد من العملاء وزيادة المبيعات. اعتقد كدا الرؤية بدأت توضح شوية وقدرت تجمع معلومات عن المجال وتعرف ماهو Affiliate Marketing.
المزايا التي تتحقق للافيلييت Affiliate
اظن كدا عرفنا ما هو الAffiliate Marketing وعرفنا البرامج اللي فيه وأهم المصطلحات اللي تخصه، جه الوقت بقا أننا نعرف أهم المزايا اللي بيوفرهالك الافلييت ماركتنج.
1- تكاليف البدء فيه منخفضة: التسويق بالعمولة مبيحتاجش رأس مال كبير عشان تبتجي فيه بالعكس كل اللي أنت محتاجه هو موقع ويب أو مدونة وطريقة للترويج عن الخدمات.
2- مش محتاج يكون عندك مخزون من المنتجات أبدًا الموضوع دا يخص التاجر فقط كل ما هو عليك الترويج للمنتج وزيادة المبيعات فقط عشان تكسب عمولة أكثر.
3- هوامش الربح عالية ومجزية بحيث أنك تقدر تكسب عمولة على كل بيعة من نسبة تتراوح بين 5% : 50% وممكن أكثر كمان، بمعني أنك بتكسب كتير بمجهود عمل أقل.
4- مخاطره منخفضة يعني أنت مش مضطر تستثمر مبلغ مالي ضخم ف الموضوع وتخاف من الخسارة بالعكس الموضوع بيكون بالتجربة بتفضل تجرب كذا منتج وتحاول تسوقله بطريقة ما وتشوف إيه اللي هيجيب معك نتيجة.
5- الافلييت ماركتنج من أكتر الأقسام في التسويق الإلكتروني اللي بتتميز بالمرونة، يعني تقدر تشتغل من أي مكان في العالم وأنت في بيتك وتبقي مدير نفسك.
6- قابل للتوسع بمعني أنك تقدر تكسب مال أكثر من مكسبك الحالي وتطور من طريقتك للترويج عشان تزود عملاء أكثر وبالتالي عمولتك هتزيد.
التسويق بالعمولة سهل ومربح جدًا بس زي ما أنت كنت على دراية بالمميزات لازم تكون على دراية بالعيوب برده عشان تكون حريص.
سلبيات الافلييت ماركتنج للمبتدئين
1- المنافسة: فيه منافسة كبيرة في مجال الAffiliate Marketing عشان كدا ممكن يكون من الصعب التميز والظهور وسط الحشد الكبير دا وصعب تجذب الناس للروابط الخاصة بك.
2- الالتزام بالوقت: التسويق بالعمولة بيحتج وقت طويل شوية عشان تقدر تعمل محتوى عالى الجودة وتقدر تشارك الناس والمتابعين الروابط الخاصة بك ولازم تلتزم كل يوم بعدد ساعات عمل معينة عشان تلاقي نتيجة في الآخر.
3- المهارات التقنيية: يحتاج الافلييت ماركتنج بعض المهارات اللي لازم تدرسها كويس مثل إنشاء موقع ويب و استخدام البريد الإلكتروني في الحملات التسويقية وكذلك تتبع تلك الحملات بس طبعا كل دا سهل مع إصرارك على التعلم.
4- معدلات التحويل المنخفضة: اللي هي أن عدد الناس اللي بتزور الموقع من خلال الرابط الخاص بتاعك قليلين خصوصًا في البداية لسه محدش يعرفك، لذلك الموضوع بيحتاج شوية صبر ومجهود واصرار عشان تقدر تنجح وتظهر للناس وسط التنافس الكبير دا.
كيف تبدأ العمل في افلييت ماركتنج
إليك 6 خطوات سهلة وبسيطة للبدء في مجال التسويق بالعمولة :
1- اختار تخصص ( نيش) انت مهتم بيه ومطلع عليه لأنه هيسهل عليك إنشاء محتوى ذو جودة عالية يجذب جمهورك.
2- اختار برنامج أفلييت ماركيتنج بيقدم خدمات معينة أنت عارف ان لها علاقة بجمهورك المستهدف.
3- انشاء المحتوى، بمجرد أنك حددت التخصص اللي أنت حابب تكلم عنه واخترت برنامج تسويق بالعمولة ممتاز، جه الوقت اللي تبتدي فيه تقدم محتوى على منصات التواصل الاجتماعي سواء عبارة عن مدونات أو منشورات أو فيديوهات وتبتدي تروج للمنتجات الموجودة على برنامج الافلييت ماركتنج.
4- الترويج للمحتوى، بمجرد ما نشرت محتواك لازم تبتدي تروج للمحتوى نفسه عشان يزود عدد الناس اللي بتقرأ محتواك أو بتشوفة وبالتالي فرصة أنهم يبقوا عملاء محتملين للمنتج الأساسي اللي بتروجله هتكون كبيرة جدًا، والترويج دا هيكون من خلال التسويق عبر البريد الإلكتروني أو مثلا الإعلانات المدفوعة.
5- تتبع نتائجك، من الطبيعي أنك لازم تتابع تأثير محتواك وحملاتك على الجمهور المستهدف وتحكم إذا كانت الطريقة المستخدمة في الترويج مناسبة معاهم وحققت نتائج ولا لأ، فتتبع النتائج يجعلك تطور منها أكثر وأكثر.
6- التحلي بالصبر، بناء كيان في تخصص التسويق بالعمولة مش سهل محتاج صبر لأنه الموضوع بياخد وقت كبير عشان كدا تحلي بالصبر والإصرار ولا تثبط من عزيمتك ولا تستعجل النجاح، لو مشوفتش النجاح على الفور ما فيش مشكلة كل اللي عليك أنك تطور من نفسك وتصبر.
ما هي حقيقة ربح المال من الأفلييت؟
هقولك حاجة الAffiliate Marketing مربح للغاية ولكن زي ما قولتلك قبل كدا أنك محتاج تتفاني في تعلم المجال وتصبرعلى النتائج. مع العلم أنه المكسب مختلف من شخص لآخر فيه ناس بتكسب مئات الدولارات وفيه ناس بتكسب أكثر من آلاف الدولارات، ودا كله بيعتمد على المنتج وطريقتك في التسويق وكذلك المدة اللي أنت قضتها في تسويقه.
على سبيل المثال حقق مات جيوفانيسكي 149991$ عام 2021 بموقعه الذي يسمى جامعة السباحة Swim University من عمولات الافلييت ماركتنج. الأمثلة الناجحة اللي بتظهرلك دي موصلتش للنجاح الكبير دا غير بعد وقت طويل من المجهود في بناء مواقعهم الخاصة والترويج لها بطريقة مناسبة.
كيف يتقاضى المسوقون رواتبهم؟
يعتمد المال الذي يكسبه المسوق بالعمولة على برنامج الافلييت ماركتنج اللي انضم ليه في البداية. يوجد 5 طرق مشهورة للدفع للمسوقين وهي كالتالي:
1-طريقة الدفع لكل بيع (pay-per-sale (PPS: يتم دفع عمولة للمسوق على كل عملية بيع بتتم من خلال الرابط الخاص به، وعادة ما يكون مبلغ العمولة نسبة مئوية من سعر البيع.
2- طريقة الدفع لكل نقرة (pay-per-click (PPC: يحصل المسوق على عمولته عندما يتم النقر على الرابط الخاص به، وتختلف العمولة من شركة لأخرى وبتكون على حسب الخدمة المقدمة. كما أن الشركات اللي بتستخدم نظام الدفع دا بيكون غرضها الأساسي هو زيادة الوعى وزيادة حركة المرور لموقعهم وليس هدفهم الرئيسي هو الشراء.
3- طريقة الدفع لكل عميل محتمل (pay-per-lead (PPL: من أشهر طرق الدفع للمبتدئين، حيث تحصل فيها على عمولتك من خلال جلب المزيد من العملاء المحتملين لتسجيل بياناتهم كاالاسم وعنوان البريد الإلكتروني في موقع الشركة، عادة ما يكون مبلغ العمولة ثابت. أنا ليه قولت أنها سهلة للمبتدئين؟ لأن بالنسبالهم في بدايتهم من السهل أنهم يولدوا الكثير من العملاء المحتملين بدلاً من البيع لهم.
4-طريقة الدفع لكل تثبيت (pay-per-install (PPI: وفيه بيتم دفع عمولتك على كل مرة بيقوم العميل بتحميل تطبيق معين أنت بتروج له. عادة ما تكون نسبة العمولة ثابتة ولكن في بعض الأحيان بتكون نسبة مئوية من سعر التطبيق.
5- طريقة الدفع لكل إجراء (pay-per-action (PPA: تستخدم معظم برنامج الافلييت ماركيتنج طريقة الدفع دي لأنها واسعة المدى وتقدر تطبقها على عروض مختلفة. وفيها بتكسب عمولتك على كل مرة بيسجل العميل في نشرة أخبارية أو الاشتراك في نسخة مجانية أو تحميل كتاب معين. وعادة بتكون نسبة العمولة ثابتة أو نسبة مئوية من سعر البيع إذا كانت الخدمة مدفوعة.
كيف يمكنك التسويق بالعمولة بدون موقع؟
زي ما قولتلك قبل كدا أنك تقدر تبدأ الافلييت ماركتنج من غير موقع ولا فلوس، ولكن الموضوع هياخد منك شوية وقت وجهد وصبر. وهقولك على 4 طرق تبدأ فيهم مجال الAffiliate Marketing بدون موقع إزاي وهم كالتالي:
1- استخدم منصات السوشيال ميديا الخاصة بيك مثل تويتر أو فايسبوك وابتدي اعمل محتوى جذاب وبسيط تقدر توصل منه لجمهور كبير وبالتالي تقدر تشارك الروابط الخاصة بيك دي على حساباتك الشخصية.
2- ابدأ في تصميم مدونة خاصة بك، تقدر تنشر عليها مقالات للمنتج اللي أنت مهتم به وبرده هتقدر تجذب قاعدة جماهير مهتمة برده بنفس المنتجات اللي أنت ببتكلم عنها وبالتالي تقدر تنشر الروابط الخاصة بالافلييت ماركتنج على المدونة دي.
3- اعمل فيديوهات لجمهورك المستهدف واتكلم معاهم لأنها من أفضل الطرق اللي تقدر بها تتواصل مع الجمهور وتروج للروابط الخاصة بك. تقدر تبني محتوى تعليمي أو ترفيهي أو زي ما تحب.
4- اتعلم التسويق عبر البريد الإلكتروني وابتدي استخدمه في الترويج للمنتجات وهو من الطرق السهلة في أن يفضل بينك وبين الجمهور رابط بينكم وتقدر وقتها تنشر لينكات الافلييت ماركتنج.
نصائح مهمة لنجاحك كافلييت ماركتنج وتحقيق آلاف الدولارات
- تحدث إلى صاحب المنتج الذي تود أن تسوق له، أو حتى الذين استخدموا المنتج من قبل، لأن دا هيضيفلك معلومات بشكل كبير وبعمق عن المنتج، ووقتها هتقدر تقنع القارئ به.
- انشئ محتوى تعليمي للمنتج بحيث إنك لو قدمت فيديو بيتكلم عن المنتج وكيفية استخدامه وإزاي أفادك أنت شخصيًا ويوضح قيمة وفوائد المنتج في حل المشاكل هتخلق بينك وبين العميل رابط قوي يحفزه أكثر على الشراء.
- قم ببناء قائمة بريد إلكتروني تقدر تستخدمها في الترويج للمنتجات بسهولة لأن الدراسات أثبت أن معدل التحويل والاستجابة من البريد الإلكتروني بتكون حوالي 66% أكثر من منصات التواصل الاجتماعي الأخرى.
- ابحث عن الكلمات الأكثر استخدامًا وانتشارًا في محركات البحث والتي يبحث عنها الجمهور باستمرار وتقدر تستخدم موقع Google Keyword Planner عشان تعرف أكتر الكلمات اللي بيتم البحث عنها، هو موقع مجاني تمامًا.
- حدد استراتيجية محتواك هتشاركه على أي موقع وامتي.
- تقدر تستخدم المكافآات لتوليد العديد من العملاء مثلا العميل اللي هيقوم بالشراء هياخد كتاب مجاني وهكذا، بنسميها trying to offer a bonus ودا بيشجع الكثير من العملاء على اتخاذ أجراء عشان يكسبوا المكافأة خصوصًا لو هي أصلا منتج أنت بتبيعه ومسعره على موقعك.
كدا أظن عرفت ماهو الAffiliate Marketing وأهم الخطوات التي تقدر تبدأ بيها التسويق بالعمولة. أهم حاجة لازم تاخذ بالك منها أن الافلييت ماركتنج مش هيحققلك الدخل العالي اللي أنت متخيله بين ليلة وضحاها، الموضوع محتاج صبر وجهد وطول بال وكمان اتقان في بناء موقعك اللي هتسخدمه في المجال دا.
ركز على بيع أول عملية تسويق بالعمولة عشان تتشجع أكثر وحدد أهدافك واستمر بالتجربة عشان تقدر تحكم إيه البرنامج والطريقة المناسبة ليك.
الأسئلة الشائعة:
ما معنى أفلييت؟
أنك بتكسب عمولة لما تقوم بالترويج لمنتج أو خدمة معينة من خلال رابط معين بتقدمه ليك شركة التسويق بالعمولة وبيكون خاص بيك أنت.
ما هي أفضل برامج الافلييت ماركتنج؟
أفضل برامج الافلييت ماركتنج هي Amazon Associates, Etsy, Buzzfeed, and eBay.
كم يكلف بدء العمل في الافلييت ماركتنج؟
صفر، لا يكلفك الافلييت ماركتنج أي رأس مال كي تبدأ.
شارك المقالة: